Xakela Gaztetxe Asanblada


Ametsen fabrikako egitarua!

Posted in Berriak by Administrator on the azaroa 29th, 2005

Egitaraua

OGG-entzako sku liburua

Posted in Zuzenean entzun! by Administrator on the azaroa 28th, 2005

Erabiltzaileen eskariak kontuan harturik, “ogg” formatu libreko fitxategiak nola entzun daitezkeen adierazten saiatuko gara.

Lehendabizi esan, M$ Window$ sistema eragile jabedun bat dela eta hau zure ordenagailua martxan jartzeko behar dituzun oinarrizko programak osatzen dutela. Sistema eragile hau enpresa pribatu batek egin du eta ez du esaten nola egin duen ezta zer egiten duen ere.

GNU/Linux sistema eragile aske bat da mundu osoko jendearen borondatez egina. Gaur egun edozer gauza egin daiteke esfortzu edo jakinduria gehiegirik gabe. Guk, software librearen aldeko apustua egiten dugu, batez ere, egungo sistema kapitalistaren baloreetaik urrun, autogestio eta elkarlanean oinarritzen delako. Propietate intelektualaren iruzurra ere intentzio berdineki sortzen da: interes ekonomikoak.

Honen aurrean formatu libreak erabiltzen ditugu, adibidez “ogg”. Winamp bezalako programaren bat erabiltzen baduzu plugin HAU behar duzu. Irratia entzuteko, klik egin eskubiko botoiaz irratiaren irudian eta gero helbidea kopiatzeko esan. Ondoren ireki musika entzuteko programaren bat eta bertan “URL” edo helbidea irakitzeko esan, eta hor itsatsi lehen kopiaturiko helbidea (ez badakizu nola egin kopiatu helbide hau: http://xakela.dyndns.org:9001/example1.ogg ).Irratiaren irudia dagoenean egongo gara emititzen, oraingoz gaueko 9rak aldera.
Bitartean HEMEN entzun ditzakezue buruturiko irratsaio, elkarrizketa, hitzaldi eta abar!

Gure baloreak alor guztietan aplikatzen saiatu behar dugu, beraz erabili software librea eta formatu libreak! Laster ikastaroa Gaztetxean!

Eduki berriak!

Posted in Berriak,Gaztetxea,Zuzenean entzun! by Administrator on the azaroa 26th, 2005

Arraio Irratia berpizten ari da!! Horren lekuko dira, oraingoz, internet bidez egiten ari diren irratsaioak. Hauek gaueko 10ak aldera izaten dira eta irratiaren irudian klik eginez entzun ahal dira.
HEMEN entzuteko material ugari duzue: MOVEko hitzaldia, irratsaioak, 80ko hamarkadako musikaren inguruko mahai-ingurua eta abar!

Helbide honetan edukiak satzen joango gara, beraz ez ahaztu noizean behin bisitatzea!

Zatoz Gaztetxera!

Posted in Berriak,Gaztetxea by Administrator on the azaroa 22nd, 2005

ASTE HONETARAKO EGITARAUA:

—AZAROAK 22, asteartea, GAUR:
20:00etan, Gaztetxeko ekitaldi aretoan, Aritz Labiano zarauztarraren
diapositiba emanaldia: “Yosemiten eskalatzen”. Astearte Bidaiariak
ekimenaren baitan.

—AZAROAK 23, asteazkena, BIHAR:
20:00etan, Gaztetxeko ekitaldi aretoan, solasaldia Asier Bastarrikaren
eskutik:
“Elikadura ohiturak, eta nekazaritza ekologikoa”.

Iaz, Euskal Herriko Garapen Agentzien elkarteak enpresak sustatzeko
antolatutako lehiaketan saria jaso zuen Leire Albisuk eta Asier
Bastarrikak sortutako Bastalbiri enpresak. Aiako enpresa honek, Goiabe
Sukaldea izenarekin, nekazaritza ekologikotik lortutako lehengaiekin
elikagai ekologikoak ekoizten eta saltzen ditu.
Bertako kideen esanetan, “elikadura ohiturak aldatuz soilik, mundua alda
dezakegu”.

—AZAROAK 24, osteguna:
20:00etan, Gaztetxean, Kontraesanen Ispilua ekimenaren baitan, gazteen
arteko solasaldia. Aste honetako gaia: drogak.

—AZAROAK 25, ostirala:
21:30ean, Ostiral Akustikoak ekimenaren baitan, Sketer Pelox (Bergara)
taldearen kontzertua.
Ondoren, eta Emakumeen Aurkako Indarkeriaren kontrako eguna denez,
antzerkia Zarauzko Sorginak Emakume Taldearen eskutik.

—AZAROAK 26, larunbata: “Gaztai Artzai Surf eguna”, Idiazabal eta
Lizarrako gaztetxeetak lagunekini batera. Goizean, surf ikastaroa doainik,
eguerdian bazkaria, herri arteko herri kirolak, afarimerienda, karaokea,
eta abar. Bazkarirako txartelak ostiral arte eros daitezke.

—AZAROAK 27, igandea:
19:30ean, Gaztetxean, Eva Velez zarauztarraren “Ritos. Gure azken lur zatia”
film dokumentala aurkeztuko du egileak, eta filma bera ikusi ahal izango da.

Eva Velez zarauztarrak Bilboko Gidoilari Eskolan ikasi zuen, eta hau da
bere bigarren lana. Lehenengoa “Maiteminez” film laburra izan zen, eta bi
sari jaso zituen, tartean Ermuko Film laburren VI. ediziokoa.
Orain, iaz filmatu zuen dokumentala aurkeztuko du Zarautzen bertan.
“Ritos. Gure azken lur zatia” Antzerkiola Imaginarioa ekimeneko kideek
Bilboko San Francisco auzoan duten egitasmoari buruzko lana da.

Igande honetako fimarekin, Zarauzko Gaztetxean Euskal Zinema Zikloari
hasiera emango diote. Igandero film bat emango dute hurrengo lau asteotan,
eta tartean izango dira Telmo Esnal eta Asier Altuna zuzendariak, “Aupa
Etxebeste!” filmaz hitz egin eta egin dituzten film laburrak erakutsiz.


Egitaraua

Udala xakel heizean!

Posted in Berriak by Administrator on the azaroa 17th, 2005

Badirudi zer esan ez dakiela eta Xakela Gaztetxe Asanblada kriminalizatzeari ekin diola zarauzko Udalak. Etzaigu berria egiten, ezta harritu ere. zer gehiago dakite ba egiten?? Egunkari bat darabilte bozgorailu bezala bertan sekulakoak eta bi adieraziz. Eta gainera “negoziatzeko prest” daudela dioten aldi berean; hara non iristen zaizkien herritar batzuei isunak: batzuk taloak saltzeagatik, besteak kontzertu batean egoteagatik eta batzuk ez dakite zergatik ere, ez baitzeuden. Dena nahastu eta ia zerbait ona ateratzen den…

“Ahalegin negoziatzaile handiagoa” eskatzen digu Udalak… :0 Guk ere beraien negoziazio modu berdina erabiliko bagenu etzen Udaletxerik egongo. Jarrai dezatela gezur eta manipulazioekin, alferrik ari dira eta. Herriak eta bertara hurbildu den orok ikusi du zer egin dugun, zergatik eta zertarako.

Lerro hauetatik dei egiten diegu guraso edo herritar orori Gaztetxera etorri eta ikusteko beren begiez eraiki duguna eta ondoren irakur dezala Udalaren agiria.
Zerbaitek ez du oso ondo usaitzen eta ez da gure ipurdia!!

Hemen helbide batzuk:
·Gaztelekuari buruzko artikulua: DV
·Udalaren agiria: DV eta HITZAko kronika.

Hurrengo orrialdea »