Xakela Gaztetxe Asanblada


KONTZERTU MUNDIALAK!

Posted in Berriak,Gaztetxea by Administrator on the abendua 27th, 2005

HITZAtik hartua:

Zarauzko sei ikastetxeetan lanean aritzen diren 144 irakaslek Zarauzko Gaztetxeari buruzko idatzia sinatu dute. Antoniano-Oteitza, Inmaculada Ikastetxea, La Salle Ikastetxea, Lizardi Institutua, Orokieta Herri Eskola eta Salbatore Mitxelena Ikastolako irakasleak dira guztiak, eta «etorkizuneko zarauztarrak arduradunak eta askeak izatea nahi badugu», gazteei «autonomia osoz antolatuko dituzten espazioak eskaini behar» zaizkiela diote idatzian.

Urriaren 30ean okupatutako eraikina datorren urtarrilaren 10a baino lehen husteko agindua eman du epaileak, eta «herrian egunotan bizi dugun egoerak gure lanarekin harreman estua duelako» erabaki dute irakasleek iritzia ematea.

Gaztetxea dela-eta…

Honakoa da Zarauzko 144 irakaslek sinatutako agiria:

«Herriko irakasleak (eta hein batean hezitzaileak) garen aldetik, gaztetxeari buruz gure iritzia ematea erabaki dugu.

1.- Haurtzaroaren ondoren gizakioi deika datorkigun garaia da gaztaroa, eta bizialdi horretan sustraitzen dute gazteek beren nortasuna, autonomia eta banakotasuna.

2.- Konprenigarria da helduok gazteekiko eta beraien jokabide batzuekiko sarritan izaten dugun erreparoa edo ezin ulertua, baina gazte horiei konfiantza egiten eta, azken finean, elkar ulertzen saiatu beharko ginateke beste ezer baino lehen.

3.- Autonomia osoz antolatuko dituzten espazioak eskaini behar dizkiegu gazteei, etorkizuneko zarauztarrak arduradunak eta askeak izatea nahi badugu.

4. Herrian egunotan bizi dugun egoerak gure lanarekin harreman estua duelakoerabaki dugu gure iritzi hau ematea»


KONTZERTU GEHIAGO!

GABONAK

DESALOJORIK EZ!

Posted in Berriak,Gaztetxea by Administrator on the abendua 24th, 2005

Ametsen fabrika aurrera!

Abenduaren 21ean iritsi zitzaigun Gaztetxea husteko 20 egun genituela zioen gutuna. Alegia, urtarrilaren 10ean jada kanpoan izan gaitezke, kale gorrian beste behin ere.

Argi ikusi da hilabeteotan herri honek beharrezkoa duela Gaztetxea eta esan beharra dugu ez dugula itzuli nahi Manuela ostean bost urte luzez igaro genuen pasibitate garaira. Horixe nahiko lukete batzuk, isilik eta geldirik egotea; amen egitea esan eta agindutako guztiari.

Baina ez. Gu ez gaude prest inoiz baino ilusio eta gogo handienarekin urte guztian zehar borroka iraunkor baten ondorioz lortu dugun eta lortzen ari garen herri proiektu hau bertan behera utzi eta ahazteko. Zoritxarreko espekulatzaile berekoi baten interes ekonomikoak direla-eta kalera? Munok jarri izan duen aitzakia hauxe izan da: eraikinean edozein istripu gertatuz gero bera izango dela arduradun bakarra eta ez dagoela prest horretarako (aitzakia hau ez bazen beste bat izango zen). Baina bestalde, berak nahi izan duelako prest dago desalojo bat aurrera eramateko eta bertan izango diren istripuen ardurak bere gain hartzeko. Batean arduraduna da, eta bestean ez?

Zortzi urtez hutsik eta ezerezean aurkitzen zen eraikin bat bi hilabetean herritar asko eta askoren erreferente bihurtzera iritsi da. Baina espekulatzaile baten pentsaeran, buruan, bera dago lehenik, gero eta beti. Aurrena ni, gero ni, eta beti ni, ni, eta ni!

Guk, hala ere, argi dugu gure ametsak errealitate bihurtzen ari den etxea ilusioz, gogoz eta gogor defendatuko dugula!

Baina desalojatuak izan ostean, zer? Galdera honi erantzutea Udalari dagokio. Goiko lerroetan adierazi bezala, herritar asko eta askok beharrezkotzat ikusten du leku autogestionatu bat eta hori Udalak onartu beharra dauka. Guk, berriz, behin eta berriz dioguna: ezer berririk eskaini ezean, okupazioaren bideari helduko diogu. Eta bukatzeko esan, pentsatua zegoen egitarauarekin eta mobilizazioekin aurrera jarraituko dugula eta herritar guztiak gonbidatuak zaudetela bertan parte hartzera.


Desalojorik ez!

HAURRAK GAZTETXERA!
MAMARRO

Asteburu musikala

Posted in Berriak,Zuzenean entzun! by Administrator on the abendua 21st, 2005

Asteburuko kontzertuak eskuragarri daude. Mila esker hau posible egin duten pertsona guztiei! Mundiala izan zen!

AnariArgazkia:HITZA
ANARI
KALANBRAZO
ZÜLO
METRALLETA
ERANTZUN
TXIXAPARRAZTA
Mila barkamen, Sekuentziaren grabazioa ezabatu egin zait :(

Prentsaurrekoa

Posted in Berriak,Gaztetxea by Administrator on the abendua 14th, 2005

Iada 45 egun daramatza gure herriko Gaztetxeak bizirik. 45 egunetan, argi geratu da Beberly Zarahuts honek kulturalki eta sozialki aberasteko Gaztetxe baten beharra duela. Sostengu izugarria jaso du; bai Gaztetxea lortu baino lehen eta baita hau lortu ostean ere. Batzuk errezeloz ikusten zuten hasieran Gaztetxea lortzeko ezinbestean aukeratu behar izan dugun bidea. Hau da: okupazioa. Baina denborak eta batez ere, urriak 30 arte urteetan hutsa eta ezerezean zegoen Lizundiako espazio honi emandako itxura aldaketak eta aldi berean herriko zati handi bati sortutako bizipozak, okupazioaz beste ikuspuntu bat izatea lortu da. Baina dena ezin zitekeen hain koloretsu eta pozgarria izan. Eraikinean sartu eta handik 3 egunetara iada jabeak 2 salaketa sartuak baitzituen. Gazteok hasieratik esan genion akordio batera iristeko prest geundela baina alferrik izan zen.


PRENTSAURREKOA

Iada kide bati okupazioan parte hartzea leporatu eta epailearen aurrean izan da. Aste honetan berriz Muno bera izan da epailearen aurrean eta bere horretan jarraitzen du. Ez gaituela ikusi ere egin nahi bertan eta hustutzea nahi duela.

Alkatea berriz erdian. Asteartean izan ziren Xakelako bi kide berarekin hitz egiten, elkarrizketetan hasi baino lehen pauso bat eman zezan eskatzera. Munori deitu eta udala eta gazteon artean akordio batetara iritsi harte Gaztetxetik ez botatzeko eskatuz. Ahaleginduko zela esan zuen baina iada epailearen esku dagoela agindua ematea. Guk hala ere badakigu Munorekin hitzegin ezkero epailea ohartuko zela eta neurri errepresiboak atzeratuko lituzkeela. Alegia, ea zenbateraino ahalegintzen den gure alkate anderea.

Eta guk, honen aurrean zer?
Guk argi dugu zer nahi dugun. Eta gu diogunean ez gara lau katuz ari, baizik eta herriko zati handi batetaz. Guk Gaztetxe bat behar dugu. Herriak Gaztetxe bat behar du. Gaur hau dugu gure Gaztetxe eta hau dugun bitartean hemen izango gara gure ametsak, gure borrokak aurrera eraman nahian. Ez dugu intentziorik, ez gogorik ezeren truke hau utzi eta kale gorrian geratzeko. Gogor defendatuko dugu gure etxea, Oraindik ere asko dugu emateko eta hartzeko, ikasteko eta irakasteko, baina zeharo barneratua duguna, ikasita duguna, desalojo baten aurrean ez garela ez geldirik ezta ixilik egongo eta gure ametsak errealitate bihurtzen ari den etxea gogor eta ilusioz defendatuko dugula.
Eta alkateari mezu bat. Hona sartzeko okupazioa erabili genuen bide bezala, ez baikenuen beste irtenbiderik eta gaur egun ere ezer berririk eskaitzen ez bada eta kalean geratzen bagara bide horri helduko diogula argi dugu.

Putzuzulo Ametse Fabrika bizirik!!
Okupazioa aurrera!!
Desalojorik ez!!

HEMEN entzun dezakezue prentsaurrekoa.

Eta jarraian egitaraua!!!


ERRONKAKARTELA
KONTZERTUA

BADATOR… DESALOJOAREN MAMUA

Posted in Berriak by Administrator on the abendua 13th, 2005

Espero genuen. Horrelakoak dira.

Atzo izan zen Putzuzulo Ametsen Fabriakaren itxiera ekar lezakeen epaiketa. Bertan MUNO kostruktorak, eraikinaren jabeak, gu bertan ez gaituela ikusi nahi esan zion epaileari. Udalarena omen da arazoa ez 5 urte baino gehiago lokal handi bat hutsik edukitzea eta gazte batzuk lokal horri bizitza ematea.

Batek esan zuen moduan: ez dago ikusi nahi ez duena baino itsu handiagorik. Eta MUNO ONCEko itsuak baino itsuago ari da jokatzen, Udala bezala.
Azken honek mintzakidetza eskatzen digu, beraiek nahi dutenaz, nahi duten lekuan eta nahi badute hitzegiteko. Eta gainera horri elkarrizketarako borondatea edukitzea deitzen diote.

Guk ez dugu ezer, baina dena dugu. Hilabete baino gehiagoko amets honek gauza asko irakatsi dizkigu eta ikasitakoa, bizitakoa, sentitutakoa hor geratuko da betirako. Ezingo duzue desalojatu.

Orain inoiz baino gehiago Gaztetxea defendatzeko deia egiten dugu. Gurea delako eta behar dugulako, eta batez ere eskubidea dugulako. Animorik beroenak Ametsen Fabrikara ohial zati bat eraman duen orori, auzokoei, gurasoei, herritarrei…

· Gaur, asteartea, 18:30tan asanblada
· Bihar, asteazkena, 19:00 prentsaurrekoa Gaztetxean. Esan zure gurasoei zurekin joateko!


OKUPA
AUTOGESTIOZ ETA OKUPAZIOZ AMETSAK EGI BIHURTU DITUGULAKO,
DESALOJORIK EZ!
PUTZUZULO BIZIRIK!

Gaztesarean eta HITZAn ere badago informazioa.

Hurrengo orrialdea »