PUTZUZULO GAZTETXEA

m4s0n501

AHT-aren aurkako potea+ emakume astea + kontzertua

Posted in Berriak by Administrator on the otsaila 27th, 2009

Kaixo LAgunak!!!

Hementxe gara berriz ere zuen buzoi elektronikoetan barrena Putzuzulo Amets Fabrikako ekintzen berri emateko. Bihar kaletik zehar ibiliko gara Zarauzko Gazte Asanbladak egiñiko deialdiarekin bat eginez. ZAGA-k AHT izeneko makroproiektu eta suntsiketa salatzeko poteoa antolatu du herriko kaleetan zehar eta gonbitea luzatzen dizuegu 18:30tan Gaztetxetik aterako den poteora etortzeko. Kaleak girotuz AHTrik nahi ez dugula salatzeko.

Datorren hilaren 8a Emakumeen nazioarte eguna izaki aurten ere Zarauzko bilgune feminista eta Sorginak-ek ekintza ezberdinak antolatu dituzte herrian eta hona hemen datorren astean izango diren ekitaldi hauen agenda
EMAKUMEEN ASTEA

Martxoak 3: Bertsolaritza eta generoa mahaingurua 19:00tan gaztetxean.
Bertsolariak: Ainhoa Agirreazaldegi, Uxue Alberdi, Unai Muñoa.
Moderatzaile eta gai jartzailea: Egoitz Aizpuru

Martxoak 6: Sorgin gaua 22:30tan gaztetxean.Parodia, kortoak, proiekzioak…

Martxoak 7: Manifestazioa 12:00tan Udaletxe aurretik. Lema “Emakumeok gure gorputzaren jabe. Abortua libre eta dohain”.
Ondoren ekitaldia, triki poteoa eta 14:30tan emakume bazkaria Arrano elkartean. Txartelak salgai Eguzki eta Arranon.

Martxoak 8: “Eta Karmele?” antzezlana Iraia Elias eta Ainhoa Alberdiren eskutik 20:00tan gaztetxean

Eta hilaren 9an, astelehena gogotsu ekiteko, kontzertu bikaina izango dugu putzuzulon 21:00tatik aurrera: HOMBRE MALO taldea izango dugu putzuzulon. Oslotik zuzenean talde bezala lehen aldiz arituko dira Euskal Herrian baina eskarmentu handiko musikariak dira. Ictus, The sons of saturn edota La Casa Fantom bezalako taldeetan aritutako musikari hauek Putzuzulon bertan izanak dira aurrez. Stoner eta Rocking ikutuak dituen hardcore talde basatia. Aukera paregabea astelehena alaitzeko.

karmele-web

m8-egitaraua-1

Gaurko bideo emanaldia atzeratua

Posted in Berriak by Administrator on the otsaila 18th, 2009

Asteazken honetan eman behar genuen “El año de todos los demonios” film dokumentala atzeratzea erabaki dugu Proiektorearekin eta filmarekin ditugun arazo teknikoen ondorioz. Hala ere, arraio irratitik kompromezua hartzen dugu bideo emanaldi hau antolatzearena eta espero dugu laister izatea.

Mesedez, gaur arratsaldean gaztetxera gerturatu behar zuen edonor ezagutzen baduzue, abixatu iezaiozue ez dela bideo emanaldirik egongo, milesker.

El año de todos los demonios dokumentala Putzuzulon

Posted in Berriak by Administrator on the otsaila 16th, 2009

Asteazken honetan, Otsailaren 18an eta Arraio irratiaren eskutik , “El año de todos los demonios” dokumentala ikusteko aukera izango duzue, arratsaldeko 20:00etatik aurrera. Filma, Putzuzuloko bigarren solairuan izango da.

pertur

Eduardo Moreno Bergaretxe “Pertur”, ETA(Pm)-ko kidearen desagerketaren inguruan hitzegiten duen dokumentala dugu “El año de todos los demonios”. Angel Amigo zinema zuzendari eta ETA (pm)ko kide ohiak film hau aurkeztu zuen 2007an eta bertan, Perturren desagertzean estatu-terrorismoaren hipotesia indartzen da. Amigok bildutako informazioaren arabera, Pertur erakunde neofaxistekin loturak zituzten jendeek bahitu zuten, gero Espainiako agente frankisten eskuetan uzteko.

Filmak garai hartako ETAko buru batzuen deklarazioak eskaintzen ditu, eta Eugenio Etxebeste Antxoni -hainbat jenderen aldetik hilketa leporatu zaion etakideetako bati- bere bertsioa emateko aukera ematen zaio. Horrez gainera, Amigok filmerako, sumarioan parte hartu zuen italiar epaileetako bat, gertaera haien gainean lanean aritu ziren bi kazetari, Alain Etcheto Frantziako inteligentzia zerbitzuetako agentea eta Angel Ugarte Euskal Herrian CESEDeko (frankismoko zerbitzu sekretuetako) arduraduna izan zena, elkarrizketatu ditu.

 

Hjertestop taldea Putzuzulon!!!

Posted in Berriak by Administrator on the otsaila 9th, 2009

Kaixo lagunak:

Azken astebukaera mugitu honen ondoren, bagatoz berriz ere Putzuzulon egingo diren ekitaldiez berri emateko. Arraio irratiko ZarataZarautz irratsaioaren eskutik, bideo emanaldi bat eta kontzertua izango dugu, Otsailaren 13an, Ostiralean.

Arratsaldeko 20:00tan hasita, “69” film dokumentala ikusteko aukera izango dugu. Nikolaj Viborgek izango dugu gaztetxean, berak ekoizturiko 69 filma aurkezten. Bertan, Copenhageko Ungdomshuset etxe okupatu mitikoaren inguruan hitzegiten du. Etxe hau 25 urtez bizirik egon ondoren, bortizki desalojatua izan zen 2007ean. Aukera paregabea izango dugu beraz, desalojoaren egunean gertatu zenaren berri izateko.

Filmaren ondoren, hiru taldek joko dute Putzuzuloko oholtza gainean. Lehenik, Harlore Zarauztarrak izango ditugu. Maketa bat kaleratu berri dute Zarauztarrek eta bertako kantuez gozatzeko aukera izango dugu. Hauen ondoren, Zallatik datozen No Komply Hardcore taldea izango dugu. Azkenik, Europar biran dabilen Hjertestop taldeak joko du. Danimarkarrak, EP bat eta LP bat kaleratu berri dute eta hau ari dira aurkezten Europa guztian zehar. Kontzertua, gaueko 21:30etan hasiko da.

Bertan ikusiko garelakoan, Muxuak.

harlore

GAZTE TA ASKE EGUNA LARUNBAT HONETAN

Posted in Berriak by Administrator on the otsaila 3rd, 2009

“Gazte Ta Aske dinamika, gazte mugimenduak martxan jarririko ekimana dugu. Gazte izan eta antolatzeagatik etengabe jasaten ditugun erasoie behin betiko amaiera exigitzeko eta pairaturiko guztia salatzea du helburu dinamika honek. Berdin du zein den zure borroka, berdin du zein esparrutan mugitzen zaren. Gaztea izatea da zure errua. Eraso hauen harira, herriko bi gazte otsailaren 10ean epaituak izango dira. Hori salatzeko eta bide batez ordaindu beharko dituzten isun ekonomiko posibleei aurre egiteko Gazte Ta Aske eguna antolatu dugu. Gaztea zaren heinean animatu eta parte hartu egun osoko proposamen tentagarri honetan!”

12tan ARGAZKIA + HAMAIKETAKOA Musika Plazan
+
TRIKIPOTEOA

14’30etan BAZKARIA Putzuzulo gaztetxian Prezioa 8€ aurrez(Arranon ta gaztetxian apuntatu)
+ 10€ bertan
MONOLOGOA

17’30etan POTEOA BARRA-MOBILAREKIN

19’30etan MANIFESTAZIOA Musika Plazatik
+
EKITALDIA Musika Plazan

22’30etan KONTZERTUA: ZE ESATEK!(the txortains+trikizio)
+
DJ