PUTZUZULO GAZTETXEA


Putzuzuloko kide bati epaiketa egingo diote Maiatzaren 12an

Posted in Berriak,Gaztetxea by Administrator on the apirila 30th, 2009

Berri tamalgarri batetaz ere informatu behar zaituztegu. Putzuzuloko kide bati epaiketa bat ezarri diote Maiatzaren 12rako, Putzuzulon izan zen okupazioaren harira. Epaileak, 4 hilabeteko isuna eskatzen dio, hau da, 1440 eeuuro gutxi gora behera.

Guzti hau salatzeko, Apirilaren 23an, Osteguna, Putzuzulon elkartuko gara 18:00tan pankarta eta oktabila batzuk egiteko.

Honez gain, Apirilaren 26an, Igandea, Zarauzko plaieroen finala izanik bertan izango gara epaiketaren inguruko informazioa banatzen eta salatzen. Amaitzeko, epaiketa egunerako hitzordu bat egingo da bertara azaltzeko eta gure lagunari babes osoa emateko.

OKUPAZIOA EZ DA DELITUA, ESKUBIDEA BAIZIK!!!!

EPAIKETARIK   EZ!!!

Gogoratu ere, Maiatzaren 8an, ostiralean eta arratsaldeko 18:30etatik aurrera, prentsaurrekoa eskeiniko dugula Putzuzuloko kideok.

Noizbait Putzuzuloko ekintzaren batean  partehartu izan baduzu azaldu zaitez.

epaiketa_handiya_web

okupazioa

okupatuuu

Deabru guztien urtea film dokumentala Putzuzulon

Posted in Berriak by Administrator on the apirila 27th, 2009

Apirilaren 29an, asteazkena eta arratsaldeko 20:00etatik aurrera bideo emanaldia izango dugu Gaztetxean. Arraio irratiaren eskutik “Deabru guztien urtea” bideo dokumentala ikusgai egongo da.

Eduardo Moreno Bergaretxe “Pertur”, ETA(Pm)-ko kidearen desagerketaren inguruan hitzegiten duen dokumentala dugu “El año de todos los demonios”. Angel Amigo zinema zuzendari eta ETA (pm)ko kide ohiak film hau aurkeztu zuen 2007an eta bertan, Perturren desagertzean estatu-terrorismoaren hipotesia indartzen da. Amigok bildutako informazioaren arabera, Pertur erakunde neofaxistekin loturak zituzten jendeek bahitu zuten, gero Espainiako agente frankisten eskuetan uzteko.

Filmak garai hartako ETAko buru batzuen deklarazioak eskaintzen ditu, eta Eugenio Etxebeste Antxoni -hainbat jenderen aldetik hilketa leporatu zaion etakideetako bati- bere bertsioa emateko aukera ematen zaio. Horrez gainera, Amigok filmerako, sumarioan parte hartu zuen italiar epaileetako bat, gertaera haien gainean lanean aritu ziren bi kazetari, Alain Etcheto Frantziako inteligentzia zerbitzuetako agentea eta Angel Ugarte Euskal Herrian CESEDeko (frankismoko zerbitzu sekretuetako) arduraduna izan zena, elkarrizketatu ditu.

bideo_emana_api_29

State Poison taldea Putzuzulon

Posted in Berriak,Kontzertuak by Administrator on the apirila 23rd, 2009
Astelehenean, Apirilaren 27an, State Poison talde Frantziarrak joko du Zarauzko Putzuzulo Gaztetxean. Poison idea, Gauze edota Atrocious Madness taldeen ikutua duen hardcore oso gordina egiten dute eta bertan Vomit for Breakfast taldeko kideren batek ere jotzen du.
Beraiekin batera, Tolosaldeko R.A.S. taldeak ere joko du. Euskal grindcorearen historia bizi eta brutala da R.A.S. taldea.

Uztaro kooperatibaren udaberriko festa Putzuzulon

Posted in Berriak by Administrator on the apirila 20th, 2009
Kaixo lagunak:
 
Beste ekitaldi interesgarri batzuekin gatoz oraingoan ere. Apirilaren 25ean eta 30ean festa ikaragarria antolatu dute Uztaro kooperatibako lagunek Zarauzko Putzuzulo Gaztetxean.
 
Apirilaren 25ean, larunbatean, egun osoko festa izango dugu.
 
Egitaraua
11etan               Hamaiketakoa
12etan               BBP (Batukada-Bertso-Poteoa)
14etan               Bazkari goxoa gaztetxean
                          Bazkalostean, Anarik pare bat kantu abestuko dizkigu eta ondoren, herriko gitarjoleen laguntzaz giro alaian elkarrekin abestuko dugu.
18:00etan          Triki-poteo animatua (Barrena eta Agostirekin)
22:30etan          Kontzertua Rude KNK eta THE ZESTONES
                        Ondoren DJ Korta y pega
 
Bazkarirako sarrerak, Eguzki, Arrano eta Ixabel tabernetan lortu ahal izango dituzue. Helduek 8 eeuurotan izango dute eta haurrek berriz, 5 eeuurotan. Sarrerak erosteko azken eguna Apirilaren 24a izango da.
 
kartela_festa_tx 
Apirilaren 30ean berriz, Porrotx pailazoaren emanaldia izango da Putzuzulon. Porrotx gainera, Nagore eta Txapasekin egongo da jolasean. Emanaldia, arratsaldeko 17:15etan hasiko da eta sarrerak Argote kirol-dendan eta Ixabel tabernan erosi ahalko dira. Sarrera guztiak agortu ezkero, bigarren emanaldi bat izango da 18:30etan.
kartela_porrotx_tx
 
Espero dugu bertan ikusiko garela, bitartean osasuna, alaitasuna eta agroekologia!!

Kontzertu itzela ZarataZarautzen eskutik

Posted in Berriak,Kontzertuak by Administrator on the apirila 15th, 2009

Aupa lagunak!!!!

Zaratararautzen eskutik kontzertu paregabea antolatu dugu Zarauzko Putzuzulo Gaztetxean,  Apirilaren 23rako, osteguna. Puerto Ricotik bi talderen bisita izango dugu:

TROPIEZO
http://www.myspace.com/tropiezo (hardcorecrust indartsua)
LA VIRGEN DEL POZO http://www.myspace.com/lavirgendelpozo (Grind teknikoa)

Eta hauekin batera herriko beste talde bat dastatzeko aukera ere izango dugu:

METRALLETA http://www.mundurat.net/zaratazarautz/6/ (tupatutupa azkarra eta zakarra)

Kontzertuaren hasiera 20tan izango da, gogoratu astebarruko kontzertuak 23tako bukatuta egon behar direla.

Besterik gabe bixitatu herriko zarata taldeen webgunia: http://www.mundurat.net/zaratazarautz

Ahal izan ezkero mezua zabaldu ezazue mesedez

eskerrikasko eta muxuak

abu-kartel

Hurrengo orrialdea »