PUTZUZULO GAZTETXEA


MUNOA, FUTBOLA, ERRONALDO ETA ISUNAK

Posted in Berriak by Administrator on the otsaila 26th, 2010

  Ronaldo, Xabi Alonso, Mesi eta konpainia gure gizarteko idoloak bilakatu diren honetan, ez dago merke futbolean jokatzea. Gaur egungo gazteak alperrak, irudimen gutxikoak eta drogazaleak omen gara, parrandarako bakarrik ateratzen omen gara eta parte hartzaileak izateari utzi omen diogu. Aurreko urteko Kuadrila egunaren porrot nabarmenaren ostean ere, hori izan zen festak gaizki atera izanaren justifikazioa. Baina topikoak beti izan dira topiko eta halaxe jarraituko dute izaten. 

     Azaroaren hasieran, Putzuzuloren urteurrenaren ospakizunen barruan, Munoan futbol partidu bat antolatu genuen larunbat goizerako. Estazioa okupatu, Manuela bizi eta Putzuzulon hasitako gazte asko elkartu ginen. Elkartu eta jolastu. Futbol partidu bikaina atera zen, giro umoretsuan Munoa eta ingurua alaitu genuen, musika eta komentaristekin. Munizipalak ere izan genituen bisitan, baimenik ba ote genuen galdetu eta ezezkoa esan genienean, zer egin ez zekitela geratu ziren.  Futbolean ezin genuela jolastu aipatzen hasi ziren… baina hain egoera surrealistaren aurrean, beraiek ere, aurpegi arraroa jarri eta alde egin zuten. Orain, hilabete batzuk pasa eta gero, espedientea ireki digute. Bai, futbolean jokatzeagatik isuna jarri digute. Nonbait ez gara Ronaldo, Alonso edo Messi bezain onak. 

     Udaletxetik esango digute isuna ez dela kalean futbolean jokatzeagatik izan, baimena ez eskatu izanagatik baizik, legeak horrela agintzen duela (beraiek egina izango ez balitz bezala) eta herritar guztiei bezalaxe, guri ere, baimena eskarazten digutela. Bestela, edonor kalean edozein gauza egiten hasiz gero kaosa sortu daitekeela. Arazoa al da herritarrek kaleak ekintza ezberdinak egiteko erabiltzea? Arazoa al da herritarrak iniziatiba izatea? Legalitatea betetzea eskatzen digute… legeak betetzeak ekintza etikoa izatea ziurtatuko balu bezala. Guk barre egiten diogu legalitateari. Batez ere gerrak egitea legala den legalitate honi, milaka soldadu bidali eta zibilak hiltzea legala den legalitate honi, diru publikoa interes pertsonaletarako erabiltzea legala den legalitate honi, kutsatzea , torturatzea edo lapurtzea legala den legalitate honi. Ez etorri guregana kontu horrekin. Zuek sortutako legeen zentzugabekeriak kontuan izanda, ez dugu hori errespetatzeko asmorik. Ez, ez dezatela esan, legerik bete nahi ez dugun errespetu gabeko izakiak garenik. Guk errespetuz jokatu genuen. Bizilagunei egin beharreko ekintzen berri eman genien eta ingurua alaitzeaz gain dena txukun utzi genuen. Larunbat goizetan, ia inor ibiltzen ez den gune bat alaitu genuen ekintza osasuntsu baten bidez, belaunaldi ezberdinak elkartu, harremanak sortu eta kirola egin genuen. Gure gaur egungo gizarteak dituen eta sarri leporatu  zaizkigun hutsune horiek bete genituen. 

     Kaleak guztionak dira eta kaleak bizitzeko dira. Zenbat aldiz entzun ote dizkiegu gure guraso eta aiton amonei, “kalean jolasten pasatzen genuen eguna” bezalako esaldiak. Orain, ordea, kaleak toki batetik bestera joateko bide ezezagunak baino ez dira bilakatu. Tabernazuloak bihurtu dira gure aisialdirako elkargune. Udalak askotan esaten du iniziatibadun  herritarrak nahi dituela,  kirolari eta aktiboak… Baina hara non paradoxa, sortzen dituzten legeek kontrakoa bultatzen dute. 

     Gure ekintzak herritarrentzat irekiak eta aberatsak diren bitartean, ez gara lege horietan sartuko. Eskatu al du Udalak OTA jartzeko baimenik? Talaimendin txaletak egiteko baimenik? Eskatu al du bizikletako debekuak arau bihurtzeko? A8a kobratzeko? Mollarri izorratzeko? Eta txaparro ixteko? Bozkatua izan ez den pertsona bat alkate izendatzeko? Eskatu al du udalak baimenik? Ez, ez etorri orain guri baimen eske. Zuek baimenik gabe egiten dituzuen txikizio guztiak legalak diren bitartean  legalitate horri muzin egingo diogu. Kalean futbolean jokatzen, dantza egiten edo antzezten. Errespetuz eta umorez kalea berreskuratzen jarraituko dugu. Kalea  herritarrena delako.  
 

     Putzuzulo Amets fabrika-ren izenean

I. Zirko gala eta Hip Hop kontzertua Putzuzulon

Posted in Berriak,Kontzertuak by Administrator on the otsaila 23rd, 2010

Gaztetxeko ekintzak aurrera jarraitzen dutela ere esan nahi dizuegu eta aste honetan ere zer ikusi eta zer entzun egongo da. Otsailaren 27an, larunbatean eta arratsaldeko 18:30etatik aurrera, PUTZUZULOKO I. ZIRKO GALA izango dugu. Ekintza oso potentea izango da antolakuntza eta artista aldetik. Haur eta helduentzako espektakulua izango da, uztai aereo, suzko malabareak, Klownak eta dantza ugari egongo da bertan eta ahalik eta oiartzun gehien eman nahi diogu Putzuzulo haurrez eta helduz betetzeko!!
 
Gauean berriz, Hip-Hop kontzertua edukiko dugu. Bertan, Altzako Bunker 13, DJ KA eta Real y Unicos & DJ Yanu egongo dira. Kontzertua gaueko 22:00etatik aurrera izango da.

izirkogala_web

hip_hop

Kontzertuz betea dugu Putzuzuloko astebukaera

Posted in Berriak,Kontzertuak by Administrator on the otsaila 16th, 2010

Espediente eta isunen gainetik, Putzuzulo Gaztetxeko ekitaldiekin buru belarri jarraitzen dugu. Astebukaera honetan zer ikusi eta entzun izango dugu herrian, ostiralean eta larunbatean, sekulako kontzertuak izango ditugu eta.
 
Otsailaren 19an, Ostiralean eta Arranopolako lagunei konpetentzia eginez, ZarataZarautz Fest II. izango dugu. Lehen edizioan bezala, bi eszenatokitan banatuta, Zarauzko 10 taldek joko dute, lehenik talde batek abesti bat joko du eta ondoren beste taldeak beste abesti bat. Horrela, talde bakoitzak 8 abesti joko ditu. II. gerra honetan parte hartuko duten taldeak Metralleta, Diskoiraa, Ulu, Erantzun, Humilitate, Inor Ez, Burux Lee, MKT, Dirtaa eta Ezereza izango dira. Kontzertuaren ostean, Dark-aitz Doktorea egongo da gure belarriak zulatzen. Guzti hau, gaueko 22:00etatik aurrera izango da.
 
Otsailaren 20an, Larunbatean, Save The Van festa edukiko dugu. Zarauzko musika talde batzuek kontzertuetarako erabiltzen duten furgonetaren gastuak ordaintzeko antolaturiko kontzertua da honakoa. Hemen ere 6 talde jardungo dute. Erdi Zarauztarrak diren Dictadura, Bermeoko Los Brebes, Bergarako Fly Shit, Ñoñostiako Adrenalized eta Los Santos eta Alemaniarrez eta Bilbotarrez osaturiko Trlc3 taldea ariko dira gaueko 21:30etatik aurrera.
 
Beraz badakizue, musika txarraz eta konpainia txarragoaz gozatu nahi baduzue, zatozte Putzuzulora.

zaratazarautzfest_ii_10-02-19_web

save_the_van

Putzuzulo Gaztetxeko kide pat espedientatu dute.

Posted in Berriak by Administrator on the otsaila 15th, 2010

Eutsourrei beti!!
 
Putzuzulo Gaztetxeko kide bati espedientea irekio dio Zarauzko udalak, Putzuzulo Gaztetxearen 4. urteurrenean egin ziren ekintza batzuengatik. Espediente hau, Gaztetxea kalean egin zenekoa da, Munoan burutu zen futbol partiduarena, plazan egin zen bazkariarena eta gaueko kontzertuarena. Honez gain, beste espediente bat iritsiko dela ere esan digute, Manuela Gaztetxearen desalojoaren 10. urteurreneko ekitaldiekin zerikusia duena. Guk, Zarauzko Udaltzainek idatzitako espedientea kopiatu eta bidaltzen dizuegu, irakur dezazuen, pena merezi du eta. 

 
Gora Zarauzko Udaletxearen elkarlana!!!
 
Testua:
 
Nork:

Zarauzko Udaltzain arduradunak

Gaia:

“Putzuzulo” Gaztetxearen 4. urteurrenaren ospakizuna”.

2009ko urriaren azken astean, Zarauzko Udaltzaingoak egiaztatu zuen herriko hainbat tokitan eta propaganda jartzeko panel urdinetan, “Putzuzulo” Gaztetxearen laugarren urteurrena ospatzeko Xakela Gaztetxe Asanbladak izenpetutako kartelak zeudela. 2009ko urriaren 30etik azaroaren 22ra bitartean, baita bi egun horietarako ere, antolatuta zeuden ekitaldiak agertzen ziren kartelean.

Programaren arabera, azaroaren 14rako, honakoa zeukaten programatuta:
Azaroaren 14a, larunbata: Gaztetxea Kalera.

- 11:00etan, futbol partida Munoan.
- 14:00tan, bazkaria Musika plazan eta kale animazioa.
- 22:etan, kontzertua.

Munoan ezin denez futbolean ibili, hilaren 13an hainbat gestio egin ziren Gaztetxekoei jakinaraztearren toki horretan ezin izango zutela futboelan ibili.

2009ko azaraoren 14an, goizeko 11:30ean, udaltzainak Munoara joan eta ikusi zuten 20 bat lagun zebiltzala futbolean plazan. Era berean, beste 10 bat lagun zeuden jolasean zebiltzanei begira.

Plaza inguratzen duten faroletan bi pankarta zeuden jarrita honako leloarekin: “MUNOA BERRESKURATU”, “ANTOLATU ETA KALEAK BERRESKURATU”.

Udaltzainak toki horretan zegoen pertsona batengana hurbildu eta X jauna, NA: xxxxxxx eta helbidea xxxxx duena identifikatu zuten. Jakinarazi zioten plazan ez zegoela futbolean ibiltzerik eta horretarako leku egokiagoak bazeudela. Modu txarrean, esandakoari jaramonik egiten ez zioten zenbait pertsonarekin eztabaidatu ondoren, udaltzeinek alde egin zuten bertatik. Horren ondoren, ikusi zuten Bixkonde kalean “EZ TABERNAN EZ ETXEZULON, EZ LOKALIAN, GAZTETXIAN ELKARTU” zioen pankarta bat zegoela eta “ZE BAIMENA TA ZE OSTI” zioen beste bat Nafarroa kalea 1-3ko autobus-geltokian.

Egun berean, eguerdiko 14:00etan 112 telefono-zenbakitik dei bat jaso zen, Musika plazako etxe batetik kea irteten zela eta suhiltzaileak bidean zirela adieraziz. Suhiltzaileak baino lehenago heldu ziren toki horretara udaltzain batzuk. Iritsitakoan ikusi zuten 14. atariko lehen pisuan, Arrano Elkartean hain zuzen, parrilla batek su hartu zuela; suhiltzaileek sua itzali zuten. Eguerdiko 14:20ean, udaltzainek alde egin zuten Musika plazatik eta San Inazio kalera joan ziren trafikoa arautzera. Eguerdiko 14:30ean, gertakaria bukatutzat jo zuten.

Eguerdiko 14:20tik 14:30 bitartean, Zigordia eta Ipar kaleek bat egiten duten lekuan, furgoneta bat gelditu eta bertatik mahai eta aulkiak deskargatzen zebiltzala ikusi zuten. Eta ondoren, Otamendi tabernaren eta Musika plazako kioskoaren artean, bi ilaratan, elkarren ondoan mahaiak jarri eta 20-30rren bat lagunek bazkaria egin zutela. X jauna zen mahaiak jartzen eta bazkaltzen zebiltzanetako bat.

2009ko azaraoren 14an, gaueko 22:15ean, Musika plazan, Xakela Gaztetxe Asanbladak antolatutako kontzertu bat zegoen; kontzertua goizaldeko 01:00etan amaitu zen. Udaltzainek ikusi zuten jende asko zegoela bilduta musikaz gozatzen, eta horren inguruan ez dago gertakari aipagarriren berririk.

Gainerako egunetan egin ziren ekitaldiak normaltasun osoz burutu ziren.
Zarautzen, 2009ko abenduaren 3an.
Udaltzainen arduraduna

2018, Zarauzko maketa

Posted in Berriak by Administrator on the otsaila 11th, 2010

eutxourrei beti
 
Ikusgai da 2018. urteko Zarautzen maketa, pasen y vean! Imaginatu nolakoa izango den hogei urte barru gure herria, txukuna ta garbia, idilikoa, pentsa zein ederrak izango diren kioskoetan salduko diren postalak, ikusgarriak. Izan ere, gure udalak iada pentsatu du gure herri honek zer behar duen gaur egun ia-ia laztantzen duen perfekzioa lortzeko: Polikulturala, bulego-dorrea, eta etxeak noski, asko gainera eta garestiak badira hobe, horrelako herri ederrean nibeleko jendea izan dezagun behintzat.
 
Ederki pentsatu dute dena, eta ez dute gure laguntzarik behar izan. Bueno, salberdineko proiektu ezberdinen artean politena aukeratzen utzi digute, ez dezala gero jendeak esan partehartze zinegotzia alperrik dagoela. Baina gai garrantzitsuetan, ordea, nahikoa azkarrak dira beraiek dena ongi pentsatzeko. Salberdinen 900 etxebizitza. Erdiak babestuak direla esango dute, baina honek esan nahi du beste erdia librea dela. Eta zertarako behar ditu hainbeste etxebizitza berri urteak eta urteak etxebizitza hutsen arazoa bizkar gainean daraman herriak? Ba al du udal honek arazo honi aurre egiteko alternatibarik? Bururatu ote zaie alokairua sustatuko lukeen politika edo ideiarik?
Babestutako etxebizitzena zauri sakon batean tirita bat jartzea bezala da, eta arazo baten aurrean hauek maketa bat eskeintzen digute.
 
Gizarte-ekipamenduak ere eraiki behar omen dituzte, ideia bikaina eta herriaren onurarakoa noski, baina honek ere badu bere alde iluna. Polikulturala esate baterako, postal eta turismo gidetarako eraikina besterik ez da. Nola sinestu behar dugu horrelako gauza bat herritarrentzako eraiki nahi dutela? Urteetan zehar antzoki publikorik izan ez eta orain milioiak eta milioiak balio dituen auditorio bat eraiki nahi, arkitektoa izen onekoa eta soldata hobeagokoa gainera. Eraikin berezia herri bereziarentzat, ezta? Iritako dorrearekin “a juego” izango da gutxienez.
 
Eta eraikin publikoekin jarraituz Abendañoko gazte-ekipamendua aipatu behar, ez omen zaio ezer faltako, ezta gazteek autogestionatutako espazio bat ere! Baina ze uste dute, herritik botako gaituztela ala? Nork ulertu dezake gazteen bilgune izango den eraikina herritik kanpo egitea? Honen aurrean behin baino gehiagotan eta arrazoi bat baino gehiagorekin azaldu du hainbat gazte eragilek bere ezadostasuna eta hala ere udalak burugogor jarraitzen du bere asmoarekin.
 
Herrian hainbat hutsune izan dira urteetan zehar eta orain bat-batean Zarautz berri bat eraiki nahi digute. Ez dezatela esan hemen dirua falta denik. Pertsona azkar batek esan zuen eraikuntza pribatuaren krisiaren ondoren, eraikuntza publikoaren aroan sartuko ginela eta ez zitzaion arrazoirik falta.
 
Zein eskubide dute horretarako? Hau al da politika parte hartzailea? Zein papel betetzen du herritar batek? Eskubiderik ba aldugu ezertarako ala esandakoa onartu besterik ez dugu? Zein demokrazia da oposiziorik gabekoa? Zein politika klase da hau?