PUTZUZULO GAZTETXEA


Astebururako kontzertu proposamena

Posted in Berriak,Kontzertuak by Administrator on the urtarrila 25th, 2011

Hemen duzue astebukaera honetarako Putzuzuloko kontzertu proposamena.

Urtarrilaren 28an, ostiralean, K-PUTXA eta PIZTU EKAITZA fantzineen aurkezpen kontzertua burutuko da. Bertan, Sodupeko JAN talde mitikoak eta Zallako ODOLAZ BLAI taldeek joko dute.

Urtarrilaren 29an berriz, Punk Rock gau bikaina edukiko dugu SURFIN KAOS, DISCIPULOS DE DIONISOS eta LOS SANTOS taldeekin.


Zarata kontzertua egongo da larunbat honetan

Posted in Berriak,Kontzertuak by Administrator on the urtarrila 18th, 2011

Larunbat honetan, Urtarrilaren 22an, zarata kontzertu itzel bat edukiko dugu Putzuzulon gaueko 22:00etatik aurrera. Honako hauek dira joko duten taldeak:

DISUNDEAD
“Bartzelonako D-Beat talde mitikoaren itzulera”
+
RAISER
“Punk-Crust azkarra Logroñoko bodegetatik”
+
NAZKAZAKATUAK
“HC-Crust narrazta Lobatotik”
+
REPRESIÓN
“Amorrua eta Gorrotoa Negative Hardcore formatuan Bilbotik”

Tximas askatu!!!

Posted in Berriak by Administrator on the urtarrila 15th, 2011

Asteartean albiste txar batekin jaiki ginen: Itxaso eta Tximas atxilotu zituzten;
Vista Alegreko auzoa Guardia Zibilak hartuta zuen, Ziburun ere Gendarmeak ari
ziren mihaketetan… Momentu hartan egonezina eta ezina nagusitu ziren, eta
eguna aurrera joan ahala, larritasun hori harridura eta haserre bilakatzen joan
zen, atxiloketari buruzko informazio jasotzen genuen heinean.

Albistegiak eta titularrak bete dituzte telebistan, irratian eta prentsan, baina
hedabideetan azaldu dituzten bi pertsona horiek ez ditugula ezagutzen iruditzen
zaigu. Horiek ez dira guk ezagutzen ditugun Tximas eta Itxaso. Eman dituzten
deskribapenek ez dute guk gure lagunetaz genituen irudien antz handirik.
Propaganda politikoa martxan jarri da eta honek ez du barkatzen.

Guk, hala ere, ez diogu honi sinesgarritasunik ematen. Izan ere, atxilotu
berri dituzte bi gazte hauek azken urteotan gurekin batera lanean jardun
diren lagun horiek besterik ez dira. Hor egon dira asanbladetan, beraiekin
batera eztabaidatu eta hartu ditugu erabakiak; gure ondoan egon dira kalera
atera garenean; batera ibili gara baita parrandan ere… Bi lagun hauen lanak
eragin nabarmena izan du gaur egun Zarautzen ditugun hainbat proiektu eta
espaziotan: Gaztetxean, Gazte Asanblada,Arraio Irratian edo Txosnetan esate
baterako.

Komunikabideek iada epaitu eta kondenatu dituzte, jende askok ere sinetsi ditu
hauei buruz esan diren gezur guzti-guztiak. Guretzat, ordea, gure aldamenean
lanean jardun diren bi lagun horiek izaten jarraitzen dute, eta gertatzen denak
ez du haietaz dugun iritzia aldatuko. Horregatik, besarkada bat bidaltzen diegu
Itxaso eta Tximasi, baita beraien senitarteko eta lagun guztiei ere.

Sinatzaileak:

Putzuzulo Gaztetxea
ZAGA
Arraio Irratia
Gazte Independentistak
Bilgune Feminista
Gurekin Jai Batzordea
Sorginak
Zaratazarautzeko musika taldeak
Bina-bina antzerkia

Kontzertua izango dugu gaur

Posted in Berriak,Kontzertuak by Administrator on the urtarrila 10th, 2011

Gaur, urtarrilaren 10ean, kontzertua izango dugu Zarauzko Putzuzulo Gaztetxean. Bertan, Bartzelonako HCCE Orwell eta Zarauzko talde berria den Trashgressionek joko dute.