Xakela Gaztetxe Asanblada


Citizen Kane, Vertigo eta Ansia Putzuzulon

Posted in Berriak,Kontzertuak by Administrator on the apirila 14th, 2014

Apirilaren 19an, larunbatean eta gaueko 22:00etatik aurrera, hardcore kontzertu itzela edukiko dugu Putzuzulo Gaztetxean. Hiru talde bikain ikus/entzuteko aukera izango da, Vertigo, Ansia eta Citizen Kane taldeek osatuko dute afitxa.

citi_zaraz

MKT taldearen diska aurkezpena Putzuzulon

Posted in Berriak,Kontzertuak by Administrator on the apirila 7th, 2014

MKT taldeak, bere Leherketak zeruan diska aurkeztuko du Putzuzulon.

Apirilaren 12an MKT, Herena, Siesta! eta Kaskezur taldeak zuzenean ariko dira Putzuzulo Gaztetxean. ‘Udaberri Fest’ komertzialari alternatiba ere bada kontzertu hau, eta jendetza espero da Putzuzulon. Gaua luzatzeko DJ Jon Gaua izango da kontzertuak amaitutakoan, Jon Arakistain eta Jon Arozena disko-jartzaile entzutetsuekin.

MKT
Post-LC Zarauztik, ‘Leherketak Zeruan’ diska aurkezten. MKT Zarauztarrek denbora dexente eman dute Putzuzulon bertan zereal-kaxak serigrafiatzen ‘Leherketak Zeruan’ diskaren kaxa sortuz. Talde bikainez inguratuta estreinatuko dute bigarren diska, Zestoako Argizulo etxean grabatua.

HERENA
Gaizkiñe taldearen errautsetik sortutako taldea. Musikalki, freskoa eta bizkorra. Kuluk (Baxua eta ahotsa), Aitorrek (Bateria) eta Txutxok (ahotsa eta gitarra) osatzen dute hiruko banda.

SIESTA!
Valentziatik datorren taldea da Siesta! Musikalki, Pop Elektroniko dantzagarria jorratzen duen banda da honakoa.

KASKEZUR
Naparrutik, rock lasai zein elegantia egiten duen laukotea, atera berri duten Ilgora diska aurkezten gure artean.

Ondoren, gorputzak ez hoztutzeko, musika dantzagarria goizeko 8:27 arte, geo danok gosaita ta etxea!!

herena

Zertarako Hegoak antzezlana Putzuzulon

Posted in Berriak,Irudiak by Administrator on the apirila 1st, 2014

Ostiral honetan, Apirilaren 4ean eta gaueko 22:00etan, Zertarako Hegoak antzezlana edukiko dugu Zarauzko Putzuzulo Gaztetxean.

kartelafinala

Sinopsia:

Egoera absurdu batetik abiatzen da “Zertarako hegoak” antzezlana. Aurkikuntza harrigarri baten berri eman du egunkariak: pertsona normal orok ditu super botereak. Aurkikuntza honek arazo bakarra du: ezertarako balio ez duten super botereak dira topatu dituztenak.

Jende guztia hasi da bere super boterearen bila, haien artean Mirentxu: zer egin hegan egiteko balio ez duten hegoekin?

Pertsona bakoitzak bere inguruan eragiteko duen ‘boterea’z mintzo da Zertarako hegoak antzezlana. Ezertarako balio ez duten gauzen garrantziaz. Batzuetan ‘ni’ izan arren, beste batzuetan ‘gu’ itzateko dugun beharraz.

Parte hartzaileak:

Proiektuaren bultzatzailea: BERRIA egunkaria.
Taldea: Metrokoadroka kolektiboa.
Antzezleak: Ainhoa Alberdi, Amaia Corral, Iraia Elias, Iñigo Ortega, Joseba Roldan.
Testua: Oier Guillan eta aktore taldea.
Zuzendaritza artistikoa: Dejabu panpin laborategia, Jabi Barandiaran.
Argiztapena: Ander Fernandez, Jabi Barandiaran.
Estetika eta jantziak: Marodi sorkuntzak (Idoia Beratarbide eta Maria de Bernardo).
Kartela: Idoia Beratarbide.
Bideoa eta trailerra: Zazpi t’erdi.
Laguntzailea: Errenteriako Udala.

Jantoki beganoa dugu aste honetan!!

Posted in Berriak by Administrator on the apirila 1st, 2014

Etorri eta gozatu Vegan Culinary Center-etik zuzenenan datozkigun Tito, P. Bong, Silvia eta Erik chef ospetsuek prestatu behar dituzten 2 plater eta postrearekin, non, zorionez, giza animaliak ez direnak ezta beraien deribatuak ere ez diren izango protagonista. Janari guztia baratza ekologikoetan erosten saiatuko gara.

Hau dena, zure poza eta borondate ekonomiko xumearen truke. Etekinik aterako balitz, animalien eskubideen defentsarako erabiliko da.

Hileko aurrenengo ostegun guztietan Zarauzko Putzuzulo gaztetxean. Oraingo honetan, esan bezala, APIRILAK 3, 20:30etatik aurrera.

Munilla Fest larunbat honetan Putzuzulon

Posted in Berriak,Kontzertuak by Administrator on the martxoa 25th, 2014

Iaz, Zarautzen Jose Ignacio Munilla gotzainaren bisita zela eta, herriko zenbait mugimendu sozial, gazte mugimendu eta talde feministek, elizaren jarrera eta bereziki bere jarrera homofobo, lesbofobo eta sexista salatzeko asmoarekin kontzentrazio bat egin genuen Zarauzko parrokian. Kontzentrazio alaia izan zen, baketsua, umoretik egindakoa.

munilla fest!okok

Inongo arazorik suertatu gabe, berehala etorri zen Ertzaintza, han bildutako guztiak botatzeko asmoarekin, bertan, gure herriko parkean ezin genuela egon esanez, ezin genuela gure elizarekiko gure jarrera erakutsi. Baina, ikusita gure asmoa zein zen eta gure jarrerak ez zuela beste ezer oztopatzen, kontzentrazioa bukatzen utzi ziguten, baina ez edozein preziotan. Bertaratuko bati, nan-a eskatu eta handik hilabete batzuetara isuna iritsi zitzaion, azkenean, 600 euroko isuna.

Elizaren jarrera, Ertzaintzarena eta hau babesten duten guztiena salatzeko eta isunari aurre egin al izateko, MUNILLA FEST! antolatu dugu datorren martxoaren 29rako Putzuzulo gaztetxean, 19tan hasita, herriko eta Euskal Herriko zenbait taldeekin. Tartean, Dispraxia, Pottors ta Klito, Octopussys, Kasik eta Guilty Brigade.

Asko eskertuko genuke, zuen lagunen artean zabaltzea, etortzea eta isuna ordaintzen laguntzeaz gain, haien jarrera sexista eta zapaltzaileak ez ditugula onartuko aldarrikatzeko indarrak biltzea…




Hurrengo orrialdea »